2020 թ․ օգոստոսին Կովկասի ինստիտուտը՝ Հայաստանում ՄԱԿ Զարգացման ծրագրի հայաստանյան գրասենյակի պատվերով, պիլոտային հետազոտություններ անցկացրեց Հայաստանի հարավում գտնվող երկու խոշորացված սահմանամերձ համայնքներում՝ Արենիում և Սիսիանում, խոցելիության հիմնական գործոնների հաղթահարման ուղիները հայտնաբերելու և հետքովիդյան իրականությունում երկու համայնքների դիմացկունությունը և կայունությունը բարձրացնելու նպատակով:
ԿԻ հինգ աշխատակից մեկնեց Արենի գյուղ (օգոստոսի 11-12) և Սիսիան քաղաք (օգոստոսի 13-14), որտեղ նրանք ունեցան հանդիպումներ, անցկացրեցին հարցազրույցներ և ֆոկուս-խմբային քննարկումներ, ինչպես նաև ծանոթացան գյուղի և քաղաքի ենթակառուցվածքներին: Դաշտային և գրասենյակային հետազոտությունների ընդհանուր արդյունքների հիման վրա թիմը կազմեց երկու համայնքների քարտեզագրման աշխատանքների հաշվետվություններ:
Օգոստոսի 28-ին և սեպտեմբերի 1-ին ԿԻ թիմը Երևանում կազմակերպեց ֆորսայթ-նստաշրջան Սիսիանի և Արենիի ապագայի սցենարները մշակելու համար՝ շեշտը դնելով համայնքի կարիքները հոգալու համար անհրաժեշտ հմտությունների և հնարավորությունների վրա: Նիստերին մասնակցեցին տարբեր ոլորտների փորձագետներ ՝ գյուղատնտեսության, բիզնեսի, մշակույթի, կրթության, զբոսաշրջության, ՏՏ, ճարտարապետության, զարգացման, նորարարության և այլ մասնագետներ:
Ֆորսայթ-նիստերի և նախնական գործողությունների ծրագրերի արդյունքները ներկայացնելու և հաստատելու համար ԿԻ թիմը սեպտեմբերի 21-23-ին մեկնեց Սիսիան, իսկ սեպտեմբերի 23-25-ը `Արենի: Թիմը հանդիպումներ անցկացրեց տարբեր մակարդակի շահագրգիռ կողմերի հետ: Բոլոր հանդիպումներին ԿԻ ստացել է դրական արձագանքներ: Համայնքի շահագրգիռ կողմերը պատրաստակամություն հայտնեցին իրենց ներդրումն ունենալու գործողությունների ծրագրով նախատեսված նախագծերի իրականացմանը և առաջարկեցին լրացուցիչ ոլորտներ դիտարկել զարգացման ծրագրերում: