Նախագիծն իրականացվել է 2017 թ.-ի սեպտեմբերից 2020 թ.-ի մարտն ընկած ժամանակահատվածում: Ծրագրի նպատակն էր ոչ միայն զարգացնել հետաքննչական և վերլուծական լրագրությունն Արցախում, այլև ստեղծել Արցախի մասին տեղեկատվության անգլալեզու աղբյուր, որի ստեղծման ընթացքում նախագծի շրջանակներում անցկացված սեմինարների մասնակիցները հնարավորություն ունեցան գործնականում կիրառել ձեռք բերված հմտությունները:
Ծրագրի շրջանակներում լրագրող Մարկ Գրիգորյանն անցկացրել է սեմինարների շարք, որից հետո մասնակիցները պատրաստել են 9 հոդված` անգլալեզու վերլուծական հրատարակության համար: Մարկ Գրիգորյանի ղեկավարության ներքո մասնակիցների կողմից գրված պատմությունները հիմնված են հենց իրենց կողմից Արցախի տարբեր շրջաններում հավաքագրված նյութերի վրա, խմբագրված և թարգմանված ԿԻ աշխատակիցների կողմից: Նրանք հասանելի են նախագծի բոլգում` www.reporting.am հասցեով: Պատմությունները բացահայտում են Արցախի կյանքի անհայտ կողմերը, օրինակ` թե ինչպե՞ս են ընտանիքները զվարճալի ավանդույթները համատեղում ժամանակակից ապրելակերպի հետ, ինչպե՞ս են շրջանները պահպանում իրենց բարբառները և ինչպե՞ս է համացանցն ազդում գյուղական ապրելակերպի վրա: